ستاســــــــې  نوم                                                   ستاســــــــــــــــــــې  ليــــــــــــــــــــــــك

 سلام به دست اندرکاران سایت وزین تل افغان !

مقاله بسیار علمی و همه جانبه جناب انجنرصاحب مومین را به خوانش گرفتم ومن هم طرفدار جناب شان هستم که اگر صدیق افغان ادعای بنیان گذاری شعبه ریاضی فلسفی را دارند باید با کمال مردانگی و صراحت حاضرشده با جناب شان روی مسایل ریاضی در سطح کشور خودما به مباحثه بپردازند نه ریاضیات عالی مانند تثبیت قاعده لوگاریتم طبعی از فرمول فرما و یا از فرمول های اولر.زیرا شاید تا به همین اکنون آقای افغان با نام این ابر مردان ریاضی هم آشنا نباشد .از آن جای که من در مورد آقای افغان شناخت دارم صرف ایشان میتواند که ریشه دوم اعداد مثبت و ریشه سوم اعداد ی را که از ضرب اعداد طبیعی سه مرتبه به نفسش به وجود میاید ، را میداند و بس واز هیمن مسئله استفاده اعظمی نموده هرچه تاریخ و اعدادمشخص که جذر سوم پوره داشته باشد بالای آن کار نموده و بعداً با اعداد دلخواه خودش آنرا ضرب ، جمع ، تفریق و یا تقسیم نموده اعداد مورد نظر خودرا بدست آورده و آنرا با یک جذبه و حرارت خاص خودش بیان میدارد وبخاطر اینکه مردم ما سخت با اعتقاد ، مذهبی و پیرو دین مقدس اسلام میباشند همه اعداد بدست آمده را رنگ دین و مذهب میدهند تا از سایکولوژی مردم استفاده نموده و مردم بگوید که بلی وبرای تایئد سر بجنباند.ودیگر هیچ شخص صدیق افغان را دستگاه کاجی بی برای اغفال مخالفین دولت نجیب به کابل معرفی نموده بود و بعد از آن دوره چون به همان مصروفیت و خوردن معاش مفت عادت کرده بود این موضوع به گردنش بار شده است وباید که اکادمی علوم افغانستان جمیع شما شخصیت های نخبه ای وطن از زیاده گوئی های صدیق افغان جلو گیری نماید .
 ویا اگر واقعاً میداند وبرای ملت و مردم ما مصدر خدمت شده میتواند جایگاه ایشان را تثبیت و ازین حالت موجود خودش را و هم اکادمی علوم افغانستان را رهائی بخشید .

با احترام
خاوری یک تن از معلمین بخش ریاضی  لیسه های شهر مزار شریف

زمـــــــــــــــــــــــــــــوږ ځـــــــــــــــــواب

        
     با عرض سلام و احترام به همکار  محترم  و استاد گرامی خاوری صاحب !
      صحت ، خوشی  و کامگاری  نصيب  تان باد !
     اخلاص  و احساس  مسئوليت تان  بايد  باعث  افتخار  و خوشي هر هموطن حقيقت جو باشد .
  رذايل و شياطين  متاسفانه از  سطح  پايين  شعور اجتماعي و علمي  و نا بسامانی بستر فرهنګی سوء استفاده     نموده  ،  کوشش مينمايند تا با  از بين بردن  مرزهای  حقيقت  و کذب  ، اذهان را مغشوش نموده  و  خود ها را  در مقاماتی  که اصلا برای شان نمی زيبد  جا دهند .
   يکی ازمسئوليت های رسانه های اطلاعات جمعی و منجمله سايت های انترنتی و در مجموع  قشر آگاه جامعه اين است که  صدای حق  را به جامعه خود برسانند .

در پناه  ايزد متعال (ج) باشيد !
دکتور  ج ــ سمون
گرداننده مسئول  ويب سايت  تل افغان دات کام
۱۶/۵/۲۰۱۰

                             ستاســــــــې  نوم                                                   ستاســــــــــــــــــــې  ليــــــــــــــــــــــــك

 
پياوړی ډاکټر جمشيدسمون صاحبه سلام!
تاسو خو د خپلې پاڼې دريمه کليزه پيل کړه، خدای دې هغه هم و تاسو او هم ستاسو و ليدونکو ته مبارکه کړي . خو د هغونه چې تاسو هيله کړې وه   د   دوهمې کليزې په هکله خپل نظرڅرګند کړي ماچې حساب وکړ د دېرشو کسانو په شاوخوا کې تاسو ته ستاسو د پاڼې د کليزې په اړه څه ندي ويل سوي.  دغه شانې يو عکس العمل تاسو څرنګه ارزوۍ ؟
اجازه را کړئ زه ستاسو پر ځای د هغوۍ نه ګيله وکړم چې ولې يې ستاسود سپېڅلي غوښتنې په هکله داسې سوړ ځواب ووايه او خپل ملي او پښتني مسؤليت ته يې په بې تفاوتۍ سره وکتل ؟!
ستاسو له نظره دلته اصلي مشکل چيرې پروت دى ؟

په درناوي
ميلاد
۱۵/۸/۲۰۰۶

زمـــــــــــــــــــــــــــــوږ ځـــــــــــــــــواب

دست از طـــــــلب  ندارم، تا كــا م من برآيد
يا جان رسد به جانــان ، يا جان زتن بر آيد
                                     حافظ شيرازي

 دښاغلي او درانه ورور ميلاد د پورتني ليك په ځواب كې  په درناوي سره :

  د دوهم ځل لپاره د مباركيو  او د خپلو ريښتينو احساساتو په رالېږلو مو   كور ودانى وايم .
راوروسته  : له  نورو څخه  له گېلې  وروسته   دوه  ځلې مو په  ډول ډول  كلماتو خو د يوڅه  سره نږدې  او ورته مانا زه  فقير هم پوښتلى يم  چې فكر كوم ښه  به وي  د لومړۍ ولې؟  او د دوهم چېرته؟ پو ښتنو ځوابونه  سره  راومروړم او د څو برخو درلودونكى  يو ځوابگوټى ترې راجوړ كړم  :
لومړى  ــــ  باور وكړئ  چې  بلنه  او هيله مې له چا څخه  د مباركيو او تشو ستاينو  د رالېږلو لپاره نه وه كړې ، موخه  مې دا وه چې ځان ته مالومه كړم  دغه خواري چې ما ورته د خپل اولاد سره  د پلرنۍ  مينې وخت هم ورايستلى دى ، كومه  تشه  ډكولاى شي او كه نه هسې  د هوا گـزول دي .
دوهم  ـــ  رښتيا ترخه خو  تر خوږو درواغو يې ښه وبولئ ، پښتون  ښه  او شريف ولس  دى  خو د هېڅ شي  قدر ورسره نشته ، پښتانه له سياست او  ټولنيز شعوره  لېرې ساتل شوي دي ، د خوږې  پښتو ژبې  چې شپه او ورځ پرې غږيږي هم ، قدر نه كوي، نه يې  په خپل وخت او  ژوندينې  د غټو غټو سياسي او ملي  ككريو اود (( د ستار د تړلو وړ سړيو)) هماغسې چې ښايي  قدر وكړ ، او نه يې اوس  كوم ريښتينى او خواخوږى  ملي زعيم او مشر پيدا كړ او كله خو  بيا :

((اوښ له باره په خپل كور كې ورغلى
په اولجه داوښ د غاړې دجرس دي ))

چې خبره راڅخه ډېره اوږده نه شي بېرته راځم خپلې خبرې ته ؛   د دغې ژبې  د يوې كوچنۍ او نا څيزې وېب پاڼې  قدر او  لاس نيوى خو  د تصور نه ډېره  لوړه خبره  ده، نوځكه د دغه  د گوتو په شمار  څو تنو   پېرزوينې  او  د گروهو شريكول  هم  زما د خپلې  وړاندوينې څخه  ډېر وو  ، يو ځل بيا ټولو  دغو ښاغلو ته   مينه او كورودانى څرگندوم .
دريم  ـــــ  دې خبرې ته مو بايد پام وي  چې د  خوږې  پښتو  ميرڅمن (دښمنان)  تل   له   خواخوږو څخه  ډېر  ، فعال  او  غښتلي وو  او  اوس هم دي  ، تاسې به  پرې فكر كړى وي  كه نه     خو زه يې  په خپل ټول وجود ، پوستكي او هډوكو احساسوم چې  تل افغان  وېب پاڼه  هم  د دغسې يوې دښمنۍ ښكار ده  . دغه  دښمنان  په  څو برخو ويشم :
۱ ـــ   نا پښتانه  دښمنان  :
     ـــ   په مسكو ښار كې  چې تل افغان وېب پاڼه  ځينې خپريږي  او چلوونكى يې  پكې  اوسي  له  مخامخ  برخورده   نيولې تر  غيابي  دسيسو ،  بدرد  ويلو ،  په  ((فاشيستان)) ، (( ستيزگران قومي )) ، (( هټلران  قرن بيست ويك ))،  (( القاعده )) ،  (( وهابيان ))، (( متعصبين )) ، ((تفرفه اندازان قومي)) او همدارنگه د  نورو  داسې كلماتو  چې  د دوۍ  په نظر  توهين  خو زموږ په اند  وياړ دى  لكه  : (( تخم  محمد گل مومند))  ، (( نشنليستان))  نومولو  او خطابه  پورې  يې  نه دي سپمولي  ،  له  دولتي  چوكاټه څخه  نيولې  تر ځانگړو سوداگريز  مركزونو  پورې د  افغاني ملي گټو ضد گوندونو  او د هغوۍ د تالي څټو  د پوره يو اړخيز نفوذ او اغېز او د يوې منظمې  افغاني ضد  ستراتيژۍ په ترڅ كې  د  پښتواو پښتوپالو په ضد  ،  څه چې يې له وسه پوره وي  كوي يې . د اخباري او تلويزيوني  خپرونو  د امكاناتو په درلودلو سره ( كه څه هم چې كيفيت يې  په نشت برابر  او له  خپل  لوري  د وړاندې كولو لپاره  څه نلري ،او منځپانگه يې يوازې له نورو هېوادو څخه  د افغاني روحيې د دښمنو  خپرونو    كاپي كړل شوي مواد دي . )  د پښتو ژبې ، پښتنو  او افغانيت پر ضد ناپاك  سنگر تود ساتلى  دى .  پدې كې شك نشته چې  زموږ په  ځينو پښتنو ورونو  ډېر  ژر  د نورو  دغه ډول ناپاك  فكرونه  سيوري اچوي  او  د  خپلې  ژبې او خواخوږو سره يې   بې تفاوته كوي  او  ان  لا په  دښمنۍ  كې يې ورسره  اچوي . زموږ سره د دوۍ دښمني موږ ته دا   ډاډ  راكوي چې  يو څه به يې پكې  د خپلو  ناوړو نيتونو پرضد خامخا  ليدلي  وي ، پښتو متل دى : (( بې ثمره ونه  څوك په ډبرو نه ولي . )) او  نامتو امريكايي  ليكوال  ډېل كارنگي  كاږي:  ((  له ياده يې مه باسئ  ، مړ سپى څوك په  لته  نه  وهي . ))
    ـــ   له مسكوه بهر  نا پښتانه دښمنان:  دلته چې  له نږدې  دا حال وي  ، نو  د  وېب پاڼې  دښمنانو   به   په نورو  ځايونوكې  چې  موږ له نږدې هم نه پېژني  ، له  كومو  ډنډورو  او ناروا ويلو ځان ساتلى وي .
۲ ــ  پښتانه   : يوه ډله  يې چې  په  ځانپوهه ( اگاهانه   )   ډول  د لوړو يادو  شوو  ډلو سره د ځينو  شخصي گټو لپاره د  يو ډول تفاهم  په  كړيو كې  ايسار او د   خپل  حسد په اور كې سوزي   ، د  بل كار  او زيار د  خپلو كاذبو  شخصيتونو  زيان بولي  او د  نورو د همكارۍ  مخه هم نيسي  .

(( پښتانه چې  بې ننگي كا څوك يې څه كا
گورستان لره به دروموله ارمـــــــــــــــــــانه  ))
 

بله  يې  نا اگاهه  ډله ده چې يا خو يې  د   ليكلو  د توان د  نه درلودلو  لامله   پاسيف ژوند غوره كړى دى  او يا   يادو شوو  ډلو  ته په كتو  همكارۍ ته  تيار نه دي .  كله  كله چې  ځينې  دوستان  د  مسكو ميشتو افغانانو د  همكارۍ  د جلبولو  مشوره  راكړي  ،  نو  حيران شم  چې څوك يې دغه مشورې ته وخاندي كه وژاړي ؟ دوۍ خو گرم ځكه  نه شي گڼل كېداى  چې د خپلو  پاكو زړونو خبره كوي ،  د دې ځاى  له فرهنگي  چاپېريال سره  اشنا نه دي  ، دلته  بيا  كيسې نورې دي  .
 د پرديو د  غپا  سره  سره  په تيارو كې  به مو د رڼا كاروان  په مخ روان وى  ځكه :

(( تر مقصوده پورې شرط د رسېدو دى
كه تمامه لارپه وينو شي  الوده  ))
 

څلورم ـــ  د امكاناتو محدوديت :

(( سر مې ياروته پېشكش كړ لا شرمېږم
د نادارو عذر پټ نه دى څرگنـــــــــد دى ))

په پرلتيز ډول د   تل افغان  وېېب پاڼې  شونتياوې ( امكانات )   له نورو ډېري  پښتو  وېب پاڼو   سره  د پرتلې  وړ  نه   او   ډېرې محدودې  دي   ، ځكه چلوونكى يې پداسې  يوه  هېواد  كې  مېشت دى  چې د  ژوند  د  لومړنيو  اړتياوو  ( د نس لپاره د يوې گولې ډوډۍ  او د تن  د پوښلو لپاره د جا مو ) د پوره كولو  لپاره  لكه  د خپلو نورو  هېوادوالو  ، پرته له كومې  رخصتۍ ، هره ورځ  له  سهاره تر تېر ماخوستنه   فزيكي كار  وكړي ، دغو  پرلپسې فزيكي كارونو او  ناوزگارتياوو  د   ټولنيزې  راشه درشې او اړيكو  مخه  يو  څه  ډب كړې ده   او  له  پرته  يې د ژوند  د لارۍ  گاړي  او څرخې  په  ټپه  درېدلې وبوله .
له  نږدې څخه  د  ټولنيزو اړيكو   د نه  شتون  له كبله  مو  د هېواد  دننه او بهر  همېشني  او منظم  همكاران  نه دي درلودلي ( كه څه هم وخت نا وخته  يو نيم  ښاغلى مو د برېښناليكونو د كور  دروازې  راوټكوي ، د تلپاتې  همكارۍ ژمنه وكړي  ، خو  وروسته  ترى تم  شي ، پرې پوه هم نه شو چې اشنا څوك  و او څه شو  ) ،  د اوس لپاره يوازې  د برېښنا ليكونو له لارې د  ښاغلو  ليكوالو  د راغلو ليكنو په خپراوي  محدود شوي يو  . اوس  يو څه له  وخته  وړاندې  خبره ده  خو  كه خواخوږو پښتنو ليكوالو د خپلې ريښتونې كره كتنې په  رڼا كې  د پښتو وېب پاڼو له مينځه  تل افغان   ناكامه پاڼه وبلله  او  تر ما  يې راورسوله  چې : 

((  په  دا  لار د شهسوارانو  ختل  گران  دي
گوډه  څو  به  باندې  خېږې  ملكنډ دى  ))
 

نو د دې كرښو كښونكى  ژمنه كوي چې بې  له ځنډه څخه  :

(( نور به وساتي خپل رخت په خپل صندوق كې ))

په پښتنې مينې او ادب
ډاكتر  ج ـــ سمون
د تل افغان وېب پاڼې چلوونكى
۱۷    / اگست/ ۲۰۰۶ 

يادونه :
 په ليكنه  كې  ټول پښتو  شعرونه  او  وروستى نيم بيتي  په يوه كوچني بدلون سره  (( وساتي = وساتم )) د پښتو شعر  د ستر سالار خوشالخان خټك  دي .

                             ستاســــــــې  نوم                                                   ستاســــــــــــــــــــې  ليــــــــــــــــــــــــك

 
      ښاغلي ډاكتر سمون صاحب ته !
   سلامونه اونېکې هيلې مې ومنئ، په  هغه لوی خدمت او کار چې خپل ربړيدلي او کړيدلي ولس ته يی کوئ ډير خوښ او منندويه يم ، نه پوهيږم ستاسو د لوی شخصيت او سړيتوب تعريف په دې وړو الفاظو  کې څنګه بيان کړم،خو دومره به ووايم چې زموږ د سر تاج يې،د افغانانو/ پښتنو په زړه کې مو ځانګړى ځای نيولی دی. ويب پاڼه مو ډيره ښايسته، په زړه پورې او زړه راښکونکې ده،هيله مند يم همدغسې ښه  دې روانه کړې وي.
 ستاسو د لا زياتو بريو په هيله!
الله مومل اوسه .

 په درنښت
خالد مومند
۲۸/۷/۲۰۰۶

زمـــــــــــــــــــــــــــــوږ ځـــــــــــــــــواب

        
         ښاغليه وروره  خالد مومند صيب !
        سلامونه  او درناوى مې تاسې  هم ومنئ ،
       په خپلو ډېرو ستاينو مو بېرېږم  وزرونه پيدا نكړم  او وانه لوزم ، د وېب پاڼې په هكله  مود نېك  نظر او اخلاص  له څرګندونې ډېره مننه  . كه  سپينه او  پاكه  يې  ووايم   زما په هكله  مو  يو  څه  خبره  غوړه كړې ده   ځكه  زه   لا هغومره   نه يم   چې   د كوم  وياړ ټكى دې په  ماكې ولټول شي  . هغه څنگه يې ويلي   دي  ((  يا  خود  مرد  باش  و  يا نوكر مرد  )) ، زما  عاجز لپاره   د   افغاني  كلتور  د ودې   په  ډگر كې   (( مرد ))  اوسېدل  ډېره لېرې  خبره ده  خو  د  دغه سنگر  د هر   (( مرد ))  نوكري كه  وكولاى شم  نو  هله به مې ژوند  يو څه بريالى وبولم .

په  مينه  او درنښت
ډاكتر  ج ــ سمون
د تل افغان وېب پاڼې چلونكى
۲۹/۷/۲۰۰۶

                             ستاســــــــې  نوم                                                   ستاســــــــــــــــــــې  ليــــــــــــــــــــــــك

 
       محترم ډاكتر صاحب  سلامونه اونيكې هيلې مې ومنه ،
      نن مې  دتل افغان  په پاڼه كې په خپل نوم سترګې  ولگېدې ، ستا لخوا  ليكل شوى سرليك مې هم ولوست .....
      كه څه  هم زما پيغام شخصي  بڼه درلوده   خو اوس چې دې  ان  لاين كړى  بيا هم  كوم بد كار ندى شوى   البته زه اوس  هم  د خپل وړانديز په هكله   ستا ځواب   ته سترگې په لار يم.

په مينه
نجيب
2006/03/10
 

د استاد نجيب  منلي  لومړنى ليك:

ګرانو ورونو، سلامونه او پېرزوينې مې و منئ. روغتيا او برياليتوب مو غواړم له دې پيغام نه مې موخه تاسې سره سلا مشوره کول دي.
د پښتو وېبپاڼو شمېر د خدای فضل دی اوس د ګوزارې دی. د محتوا په برخه کې يې سړی يو څه د کمی احساس کوي خو دا هم ورو ورو ښه کېږي. خو تر کومه چې ما ته مالومه ده، د پښتو د نړۍ وال کولو په برخه کې لا تراوسه زمونږ ټولو هڅې د نشت برابر دي. زما په سپارښتنه ګران ايمل پسرلي داستانونه وېبپاڼه په څو بېلو بېلو ژبو جوړه کړه، که څه هم د پښتو کار يې ګړندی دی او د نورو ژبو برخه يې لا هماغسې خواره  خو بيا هم غنيمت دی که کوم غير پښتون د پښتو ادب په هکله څه کتل غواړي کم له کمه يوه مرجع خو شته.
زه په دې نظر يم چې که مونږ داسې يو سايټ ولرو چې د پښتو، پښتنو، افغانستان او افغانانو په هکله علمي اد ادبي اثار د پښتو مينه والو ته وړاندې کړي دا به داسې يو نړۍ وال معلوماتي مرکز شي چې د ګاونډ په سطحه به بې ساري وي.
زما په نظر به دغه وېب پاڼه د نړۍ په ټولو ژبو د پښتو اثارو ژباړې او د پښتو، پښتنو، افغانانو او افغانستان په هکله ليکنې او مقالې انلاين کوي. ګټه به يې نه يوازې دا وي چې غير پښتانه به د پښتو اثارو ته لاسرسی ولري بلکې زمونږ خپل خواره واره پېغلې او زلميان چې پښتو نه شي لوستای هغوی به هم له خپل فرهنګه بې برخې نه وي پاتې شوي.
د وېب سايټونو په برخه کې يوه عامه نظريه چې اوس يې په افغانانو کې د”دوګم“ تر کچې پر مختګ کړی هغه داپډېټ خبره ده. دغه نړۍ واله پاڼه چې زه يې يادوم ، د اپډېټ کار يې هم راته ګران ځکه نه برېښي چې په دغه ساحه کې زمونږ د څېړونکو، ليکوالو، ژباړونکو او پوهانو هڅې تر اوسه لا دومره ګڼې نه دي چې څوک دې ستړی کړي. څرنګه چې دغه سايټ به علمي تربيوي بڼه لري د سياسي اختلاف زېږونکو موضوعاتو له خپرولو به هم ډډه کوي چې په دې توګه يې د اپډېټ کار نور هم اسانه کېږي.

نجيب
2006/02/21

زمـــــــــــــــــــــــــــــوږ ځـــــــــــــــــواب

        
       ښاغليه استاد  منلى صيب !
       سلام  او درناوى مې ومنئ ،
       څښتن  مو دې سيورى له پښتني   ادب   او هڅوبه  نه   كموي   ، 
       پيغام  مې ځكه   په پاڼه كې ځاى پر ځاى كړ  چې  :
        ۱  ـــ   پيغام  د يو څو تنو له محدودې كړۍ راووځي  او د ټولو تر  غوږو ورسيږي او پرې خبر  شي  ځكه  كېداى شي  د پښتنو ځلميانو په منځ كې  د  داسې ككريو د شته والي   امكان هېڅ وخت  نه شو ردولاى چې   پدې لار كې د ډېرو ښو ښو  تجربو او پوهې  خاوندان واوسي خو  تر  اوسه  لا دغه ميدان ته راگډ شوي  او يا كم تر كمه هڅول شوي نه دي     .
       ۲   ـــ   د پيغام  په خپرولو به  د ټولو   ورونو  غبرگونونه  ، امكانات  او  ژمنې  راټولې  او توحيد كړاى شو .
       ۳   ـــ   پيغام  پخپله  په خپل ذات كې نوښتيزه بڼه درلوده ، او  زموږ په څېر نوآموزه شاگردانو ته يې ډېر څه درلودل چې  په حقه  د خپرولو  وياړ يې  موږ  ولرلاى شو   .
          رابه شم پدې هكله خپلې رايې ته :
          په  ټوليزه توگه  د پښتو  ژبې او پښتانه ولس هر  هغه  خوزښت  او پرمخيون  ته چې فكر كيږي د  اوسنو  چټكو پرمختګونو سره  مو  همغاړې او  د سيالۍ  جوگه كوي    ،  يو له  كلكو پلويانو   څخه  مې وشمېرئ  ،  د  هغو  په څېر چې  يوازې  په  يو ډول ګويا  ((شكسته نفسۍ))  غواړي  رفع مسئوليت  وكاندي  چې (( زه    لدې عهدې  نشم  وتلاى )) ، نه  غواړم او خداى (ج)   دې  داسې نه پېښوي  چې په دې سپېڅلې  او  شريفانه  لاره  كې  د  هر  ممكن  چوپړ څخه  وتښتم   ،  په  ما  زما د امكاناتو په  حدودو كې  حساب كولاى شئ   .

 په درنښت
په پښتني  مدرسه كې ستاسې له   شاگردانو څخه
ډاكتر  ج ــ سمون
د تل افغان وېب پاڼې چلونكى
۲۸/۲/۲۰۰۶

                             ستاســــــــې  نوم                                                   ستاســــــــــــــــــــې  ليــــــــــــــــــــــــك

 ورونو السلام عليكم
اوس فوهه شوم سى له كاسى لاندى نيم كاسه هم شته
هسى دديموكراس نارى سورى مو بيل كرى دى والله كه به يي بوى هم درباندى لكيدلى وى
ايا تاسو دومره توان نلرى  سى دمخالف نظر وزغملاى سى  ما يوه ليكنه ديرو ويب بانو ته
 ليزلى زه خو يوى هم ونكراى شواى نشر يي كرى
والسلام

زمـــــــــــــــــــــــــــــوږ ځـــــــــــــــــواب

         
         راګرانه حامده وروركه !
        سلا مونه زموږ هم ومنه  ، له سلام پرته د ليك  په   راوروسته  برخو  مو ونه پوهېدم  چې    څه   مو   څه  وخت  راليږلي وو چې  له نشره پاتې دي ، تر ما  مو  ليكنه نه ده  رارسېدلې  ، او كه رارسېدلې هم واى  ،  نو باور وكړه  كه  زموږ غوندې  د ناپوهانو سر پرې خلاص شوى واى  ، ځكه  د پښتو  په  دغه   ليكدود  او املا انشا  زه پخپله  نپوهېږم  او  نور  درانه  لوستونكي هم  والله العلم  !
كه په راتلونكې كې مو كومه علمي  او سياسي ليكنه  رالېږله  نو  د پښتو د دغه راز املا انشا  په باب  يو كتاب هم  درسره وليكئ  او  راوه يې لېږئ  تر څو  موږ  د دغه  بېسوادۍ  د  اكاډيمۍ  څخه   برى ليك ترلاسه  او   ستاسې  په ليكنه   ((   فوهه ))   شو  او   د دغه   راز    ليكنو  د خپرولو  جرائت  او يا  ستاسې په وينا   ((توان)) پيدا كړو .
        تركوچنۍ كاسې لاندې  همدغه  لويه نيم كاسه ده او بس .
                                                        په خورادرنښت
                                                      ډاكتر  ج ــ سمون
                                           د تل افغان وېب پاڼې چلونكى
                                                    ۹  /  ۲   /  ۲۰۰۶

                             ستاســــــــې  نوم                                                   ستاســــــــــــــــــــې  ليــــــــــــــــــــــــك

    ډاکټر صاحب جمشيده وروره په پښتني مينه دي لمانځم او سلامونه در ته وړاندي کوم!
تر پښتني غرور دي و ګرځم!
ستا خبره مې هم خوښه سوه او هم مې پر زړه ولګېده. اصلاً پښتانه وي داسي. خو زما مقصد عام وو لکه تاسو چې د ارواښاد ميرزا علم حميدي ځيني ليکني را اخيستي دي او ستاسو په وتلې پاڼه کې يې خپل ځاي پيدا کړی دئ  زما دغه شان را اخيستني هدف دي. يا لکه د جهاني صاحب د ادبي ليکنو او يا شعرونو نه او يا داسي په لسهاوه نوري ادبي، طنزي او شعري ټوټې که تکرار سي دا به ښايې تکرار احسن وی! خو البته که په لنډه موده کې قلمي همکاران څه ولري دا خونو بيا دزوی زېری دی!
تاسو ته د زياتو بريو او سوکاليو هيله کوم.
سرلوړي موغواړم. دسيالانو سر سي د پښتو شمله دي تل هسکه اوسه!

په درنښت
سپېڅلی
۲۶/۷/۲۰۰۵

زمـــــــــــــــــــــــــــــوږ ځـــــــــــــــــواب

        
         سپېڅلي  صاحب  ته د ستورو په شمېر د پښتو د راڼه اسمان په زولۍ كې سلامونه او نېكې پېرزوينې ! 
         د سپېڅلي   رب (ج) په پناه كې اوسئ !
         كه دتل افغان وېب پاڼې په باره كې داخلاص له څرگندونې څخه مو د كوروداني په ويلو راتېر شو  نو:
         له نږدې به مو سره نه وي ليدلي ؛ خو انگيرم داسې او  له ليكونو مو ښكاري  چې  د پښتو ادب او كلتور د يوه سپېڅلي پوه ،  قضاوتگر او د پښتو ادب او ژبې د ارزونكي په حيث  د دې  صلاحيت او واك لرئ چې  د دغې   سپېڅلې ښايستې  خو يتيمې ، غريبې او هغه د ستر خوشال بابا په وينا ((بكرې)) پښتو    ناوې ته   ډېر څه  ور كړئ  او په سينگار كې يې  خپله پوره ونډه واخلئ   ځكه زما په گومان  زموږ هېواد نن وي كه سبا وي  بالاخره  ددغه كرغېړن او  د لېرو او نږدې هېوادونو  د يو ډول نه بل ډول  غلامۍ له  حالته  وتونكى دى  ، موږ به خپله ملي ټولنه لرو ، ملي يووالى به لرو ،  ملي واك او زعامت به لرو لنډه دا چې ځواك او واك  او هر څه به مو خپل او ملي وي نو كه داسې يوه هيله په زړه كې پالو   نو  دغسې يوې ټولنې  ته يوه له هره اړخه  قوي ملي ژبه هم پكارده، نو راځئ چې ټول   د ملي مقاومت په دغه سنگر كې هم خپله مړانه  په ښه ډول وښايو . (كېداى شي  تاسې ډېر څه كړي وي او سپېڅلى مو هسې مستعار لقب وي ، بيا به مې نو گستاخي رامعاف كړئ  ، خو دغه  غږ   يوازې پر  تاسې  نه   بلكې  پر ټولو روڼ اندو  هېوادپالو او افغانپالو كوم . )
ژوند مو ښېرازه.

په پښتني درنښت
ډاكتر  ج ــ سمون
د تل افغان وېب پاڼې چلونكى
۲۷/۷/۲۰۰۵

                             ستاســــــــې  نوم                                                   ستاســــــــــــــــــــې  ليــــــــــــــــــــــــك

    محترم جمشيد صاحب سلام!
     ستاسو دسلامتۍ او  سو کالۍ په هيله!
     ستاسو پاڼه چې زه ډېره مينه ورسره  لرم په ډېر ځنډ نوې کيږي! ددې نيمګړتيا د ليري کولو دپاره که تاسو د نورو پاڼو څخه په يوې يا دوو ورځو کې کوم نوی مطلب را نقل کړی دا به ستاو پاڼي ته تر هغو چې مستقل مواد ورته برابروی ښه خبره وي. همدارنګه نورې هڅوني شروع کړی چې دافغانانو د همکارۍ لړۍ پيل کړی. تاسو دي بريالي او پښتو دي سر لوړي اوسي!

په درنښت
سپېڅلی
۲/۷/۲۰۰۵

زمـــــــــــــــــــــــــــــوږ ځـــــــــــــــــواب

     ښاغلي سپېڅلي صاحب ته د زړه له تله سلامونه او نېكې هيلې ،
     خداى دې وكړي روغ رمټ واوسئ.
     ستاسې دې كور ودان وي چې د  تل افغان  وېب سايټ په باب خپل اخلاص څرگندوئ،  ليك رالېږنه  مو   موږ پدې خبره باوري كوي   چې پښتانه  تر بل هر وخته اوس ښه ويښ شوي  او دتورې د وهلو سره سره  د قلم مړني هم دي .
     په رالېږل شوي نظر به  مو يو ځل بيا غور وكړم ، خو ريښتيا خبره داده چې په  ژوول شوې شوړې (گولې) تكرار شخوند مې چندان  نه دى خوښ ، خو دا زما شخصي نظر دى او په دې اړه كومه قاطع فيصله  نه ده ، اصلا  د دوستانو نظر ماته ډېر مهم دى .
ستاسې  دنورو همكاريو په هيله،

په پښتني مينې او ادب
ډاكتر  ج ـ سمون

                             ستاســــــــې  نوم                                                   ستاســــــــــــــــــــې  ليــــــــــــــــــــــــك

     ډېرګران ورور محترم ډاكتر جمشېدسمون صاحب سلامونه او درناوی درته وړاندي کوم!
     ستاسو روغتيا او خوشحالي غواړم .
     د تل افغان ښکلي پښتو پاڼه مې تازه وليدله ډېر په خوښ سوم چې زموږ وطنپاله افغانان په هر ځاي کې د ورځني ناخوالو سره سره وطني او ملي ږغ  را پورته کوي او د خپلو دردونو ، خپلو برمونو او د خپل نوم اونښان خبره ياني د افغانانوخبره  خپروي .
      ستاسو دغه سپېڅلي او شريفانه هلي ځلي دډېري ستايني وړ دي او افغان ولس به يې هيري نکړي  . تاسو ته دي خداي نور هم وس درکړي چې ستاسو په زيار او هاند سره د تل افغان پاڼه ﻻ نوره هم ښکلې او بډايه سي .
     زما دغه لاندي وروستۍ ترتيب سوې مقاله  ( د جهاني کېدو بل شاني روايت)چې تازه د بېنوا او د اسد په اته ويشتمه  پاڼوکې  خپره سوېده د لومړنۍ همکاری په دود يې تاسو ته هم  در لېږم که مو وړ او ﻻزمه وګڼل نو هيله ده چې تاسو يې هم خپره کړی.
     تاسو ته د زياتو بريو هيله کوم .

په درنښت
هدايت الـــله هدايت
 استراليا
د٢٠٠٥ م  کال  د  مي  دولسمه

زمـــــــــــــــــــــــــــــوږ ځـــــــــــــــــواب

         ښاغلي  ورور هدايت الله هدايت ته د زړه له كومي  سلامونه او احترامات !
        خداى(ج)دې وكړي چې دشريفې كورنۍ د غړو، ټولو دوستانو او فرهنگيانو سره روغ ، خوښ او  په كورنيو چارو كې  بريالي اوسئ .
     د ليك  له  رارسېدو  مو  باور وكړئ  ډېر خوښ شوم ، يو خو  چې   څومره  زموږ د فرهنگي ، روڼ اندو او شعوري دوستانو كړۍ   پراخيږي  ، موږ او تاسې  په  راتلونكي يو څه باوري كوي  او د خوښۍ  حس په چا كې  زېږوي او بل  دا چې زما خپله  رواني  نړۍ  داسې ده  چې  څومره ډېر  دوستان ولرم  هومره نور هم  د دوستانو او همفكرانو په تلاش شم ، هغه  دشاعر خبره:

((تږى تږى يم چې  نه يې ،   جل مې اخلي چې دې وينم    
اخر ساه به رانه وځي په دې تنده لېونۍ كې ))

   د تل افغان پاڼه ( وېب سايټ )    هم ، د دغه  همفكره دوستانو په  ډاډ او مرسته  او  هم  د دوۍ د ليكنو د خپراوي لپاره  ، چليږي .
    په  تل افغان  پاڼه كې  لا دومره د وياړ او سرجگونې څه نشته چې څوك دې پرې خورا غره شي ، خو كوښښ به كوو چې ستاسې  په څېر د شريفو  او با همته  روڼ اندو په مرسته  دا د افغانانو  د ډېر وروسته پاتې كاروان  يو كوچنى بار تر خپل منزله ورسوو.
   نور مو په خپلو اوتو بوتو  ستاسې وخت نه نيسم ، په راتلونكې كې ستاسې د نورو ليكونو  او ليكنو  د رالېږو په هيله.

روغتيا ، بريا اوخوښي
ج  ـــ  سمون
دتل افغان وېب سايټ مسئول
مسكو ــ روسيه
۱۵/۵/۲۰۰۵

                             ستاســــــــې  نوم                                                   ستاســــــــــــــــــــې  ليــــــــــــــــــــــــك

TALAFGHAN.COM  ta  salaam ,
grano ao qadarmano da  talafghan da  pane chalawonko ta khpal salamona ao ihteramat wrande kawam!
sa moda makhki me stase pana waleda ao dera me khwakha shwa bya che khabar shwam che da d russe sakha khparege no la me talwasa shwa che stase sa p tamas  ki sham pa tera bya da d khoshale zae de che nan pa dase zae ki dase ba ihsasa khalk shta che d khpal kaltor lapara hale zale kawe MANANA zama ao d so noro
farhange dostano me da khyal de che che stase sa har  wakht p tamas ki osso bya dalta kho compioter leg  moshkelat lare no bya ham koshash ba da we che pakhto  parakha kro ao har sok poh she che pakhtana da  traressim doham  nom nade balki da yao ba ihsasa qoum dae.
INSHAALLAH
HAKIM , JAMAL, ADNAN  KHATAK ao JANBAAZ
Thursday, March 17, 2005

زمـــــــــــــــــــــــــــــوږ ځـــــــــــــــــواب

         ښاغلو  ورورنو زموږ لخواسلامونه او احترامات هم ومنئ !
         خداى(ج)دې وكړي چې  ټول دوستان  او فرهنگيان  سره روغ ، اوخوښ واوسئ .
         د ليك  له  رالېږلو  ، د احساس او اخلاص له څرگندونې  مو ډېره  مننه .
       افغانان هر چېرې چې وي ، دا مهمه نه ده چې چېرې دي، مهمه خبره دا ده چې  د خپلې ژبې او كلتور پر وړاندې خپل رسالت وپېژني او سرته يې ورسوي.  
         نورو ليكونو  او خوالو ته مو سترگې  په لار يو.

 برياليتوب او خوښي مو په برخه
دتل افغان وېب سايټ مسئول